Spottinn hans pabba

Pabbi var viss um að hann lifði einn á plánetunni og hann var alltaf að toga í spotta, hann togaði í spotta og togaði í spotta og togaði í spotta og spottinn var alltaf svo þungur.

The drama-mama

Mamma mín var gefin fyrir drama þegar hún var lítil, hún átti leikhús í bílskúrnum en þegar hún hitti pabba hafði hann sett Pontiacinn inní bílskúrinn svo mamma bjó til drama í höfðinu á sér og þangað komst enginn inn.

Afi minn var sveitadrengur

Afi minn vildi verða bóndi í sveit tilað þóknast móður sinni og móðir hans var náttúran og allt draup í hana, tárin, blóðið, sæðið og hvarf.

Amma mín var glamúrpía

Amma mín var glamúrpía, hún átti gullkjóla og hanska sem hún dró hátt uppá handleggina, skartgripi og bankabækur, það small í skónum þegar hún gekk því hún var líka hershöfðingi, setti skýrar reglur og gaf skýr fyrirmæli. En hana langaði tilað dansa og afi vildi ekki dansa svo hún dansaði ekki við neinn en hana langaði tilað dansa. Kannski langaði hana tilað hverfa inní dansinn og brjóta hershöfðingjann á bak aftur, hvíla hann kannski, svo hann gæti tekið aftur við þegar eldaði aftur að morgni.

Grískur harmleikur

Þegar Ella ber kennsl á sig með geigvænlegum afleiðingum kemst hún að því að hún er Töfrakonan. Svona er þetta í grískum harmleikjum.

Raunveruleikinn

Þú baðst um raunveruleikann.
Já, en ekki þennan raunveruleika.

Hvar var hún?

Alltaf þegar Töfrakonan hvarf þá var hún einhverstaðar.

Hvar var hún?

Misskilningur

Töfrakonan sagði Ellu að tala við Tárið í einlægni og bjóða það velkomið á hvarm sinn og Ella féllst loks á það og hélt langa játninguræðu hvernig það að hún hefði bælt líkamann hefði framkallað þráhyggjur í heilanum. En nú væri hún semsagt tilbúin að gráta þessu tári en þá sagðist Tárið vera bíða eftir Trúðnum.

Sorgin og hamingjan

Þegar sorgin hafði stækkað svona að Ella Stína réði ekkert við hana, sagði hún við sorgina: Ég er hamingjusöm. En sorgin skildi ekki hamingjuna.
Tárið: Ég titra.
Ella Stína: Ég er hamingjusöm.
Tárið: Ég titra.
Ella Stína: Ég er hamingjusöm.
Tárið: Ég titra.
Ella Stína: Það skilur mig ekki.

Stækkuð sorg

Ella Stína var alein heima þegar það kom tár í heimsókn til hennar og þá uppgötvaði hún að einhver hafði stækkað sorg hennar.

Ástæðan

Já, þau urðu að finna ástæðuna fyrir því að barnið gat ekki grátið. Ókei, sagði barnið, ég trúi því að hann sé dauður, en ég ætla ekki að gráta yfir því. Þá verðum við að finna ástæðuna.

The notebook

Once upon a time there was a girl lost her father. It was such a drama, she went into it again and again and burnt up. When she had almost burnt to dead she manage to escape and went to the magic-woman and asked if she could stay in her house. Because her own house had burnt down and everything with it. The magicwoman said okay but told her to travelling and said she had written everything in a book but had lost the book and now she must find the book. In the book was everything she must remember to be cured so her house would not burn down again, and she must go and look for the child so she could cry, if she could cry she would have kind of realization and would be able to bury her father instead of dwelling in this constant drama. First she had to meet the tear to have something for the child, the child like big tears, so she must have a brother to find the way in the magic-garden where the child is hiding, and (then there came a friend of the Magic-woman, the Hollywoodactor nobody understood but was created to swift of the illusion.) and then there came a monster who wanted to have the tear so the child could live in the magicgarden, and then there came a reality, hiding in a cabin, the reality wanted to have the tear so the child could stay longer in the imagine and then the reality could grew more monster-like, like the imagine was killing the child, the reality was growing huge and nobody was able to fight him. Except the Birthday-cake. So there came a birthday cake and eveybody got a equal bit. Then eveything went into balance again. Everybody was sitting at the cake having a good time. then there was a knock on the door or something was found on the floor, the notebook. The brother took the notebook and dig a hole and put it there so the girl woh lost her father didnt have to think about it any more. Then she dissappeared.

Nornin

Nornin týndi til ýmislegt í pottinn, tár, trúð, barn, skrímsli, fjall, og hrærði vel og vandlega, hún var alveg hætt að muna afhverju hún gerði alltaf þessa súpu, kannski af því að mamma hennar hafði alltaf gert hana, allavega mundi hún ekki afhverju hún bjó til súpuna. Svo einn daginn tíndi hún allt uppúr súpunni og bjó til bók, en þá var allt svo blautt að hún varð að þurrka það og setja það svo inní bók.

Ella Stínar notar hendurnar

Kannski þurfti hún ekki að standa í þessu eilífðarfaðmlagi heldur bara nota hendurnar. En förum að sofa núna. Góða nótt.

Burning in drama

Ella Stína var að brenna upp í drama, dramað hélt henni á lífi, ef hún varð tildæmis ástfangin þá byrjaði hún strax: Hann vill ekki sjá mig. DRAMA!!!

Blekkingin

Einsog þið munið börnin góð var Ella Stína lokuð inní herberginu og það spratt upp mikill gróður af kúknum hennar, hún var löngu hætt að sjá að þetta væri herbergi og hélt hún væri í garði.

Hún prófaði að faðma allt

Ella Stína prófaði að faðma allt að sér, og byrjaði á yfirdráttarheimildinni: Kæra yfirdráttarheimild, þú ert frábær, ég faðma þig. 350 þúsund króna yfirdráttarheimild frábært og þegar þú verður komin uppí 700 þúsund neitar bankinn að lánar mér meira og þá get ég tekið þriðja lánið sem er bara tilað dekka yfirdráttarheimild, ég faðma þessa yfirdráttarheimild. En ekkert gerðist, Ella Stína hélt kannski hún myndi fá hugmynd hvernig hún gæti borgað þessa yfirdráttarheimild en það gerðist ekki neitt, hún prófaði að faðma yfirdráttarheimildina aftur. Og ég held hún sé enn að faðma hana.

Þriðji staðurinn

Sko, Ella Stína var tilfinningalaus inní lokaða herberginu og bólgin af tilfinningum fyrir utan lokaða herbergið, semsagt í hlekkjum, og það var um að gera að finna þriðja staðinn. Vinkona hennar fann þriðja staðinn og sagði það væri heimurinn. En Ella Stína komst fljótlega að því að þá þyrfti hún alltaf að vera faðma heiminn.

Ella Stína í bankanum

Ella Stína kom í bankann með hlekkina, afhverju þarf ég að borga fjögur skuldabréf í hverjum mánuði og afhverju þarf ég að hafa alla þessa yfirdráttarheimild, afhverju er lífið svona erfitt, afhverju á svona bágt, ef Ella Stína hefði farið að gráta í bankanum hefði kannski allt orðið gott.

Rifin burt

Samt var Ella Stína blóm sem vildi helst vera ofaní moldinni með allt hitt uppí himinninn, og hún vissi að hún var blóm því einu sinni var hún rifin burt.